کراچی (این این آئی)منرل واٹر کے 22 برانڈ انسانی استعمال کے لئے مضر صحت قرار دے دئیے گئے ہیں۔ مضر صحت قرار دئیے جانے والے منرل واٹر میں فجی، بی آر او ایچ 20, کوہ نور، رویال سلور، اسمارٹ، ایکوا قسمت، آشا پریمیم ، ڈرنکنگ واٹر ، بکسٹن، کلف واٹر ، ہیلتھ ڈرنکنگ واٹر ، کرسٹل پیور لائف، ڈریم پیور، نیو ہیلتھ ڈرنکنگ واٹر ، اورئیل، پرواز واٹر، پریمیم صفا، پیور ری فائیڈ واٹر، اسمارٹ پیور واٹر، اسپیلش واٹر، اسٹل، اسٹار لائٹ واٹر، وی وو، واٹر پلس پریمیئم ڈرنکنگ اور مصافی شامل ہیں۔
ان منرل واٹر کو PCRWR نے انسانی صحت کے استعمال کے لئے مضر صحت قرار دیا ہے۔ ڈائریکٹر جنرل سندھ فوڈ اتھارٹی مزمل حسین ہالیپٹو نے مذکورہ منرل واٹر کی انتظامیہ کو سات دن کے اندر اپنی مصنوعات مارکیٹ سے اٹھانے کی ہدایت کردی ہے۔ انہوں نے کہا کہ سندھ فوڈ اتھارٹی کے احکامات پر عمل نہ کرنے والوں کے خلاف سندھ فوڈ اتھارٹی ایکٹ کے تحت کارروائی کی جائے گی ۔ڈائریکٹر جنرل سندھ فوڈ اتھارٹی مزمل حسین ہالیپٹو نے کہا کہ سندھ فوڈ اتھارٹی کسی کو بھی انسانی صحت سے کھیلنے کی اجازت نہیں دے گی۔
The post منرل واٹر کے 22برانڈ انسانی استعمال کے لئے مضر صحت قرار appeared first on Javed Chaudhry Columns.
from Javed Chaudhry Columns https://ift.tt/WNX7IyH
No comments:
Post a Comment