ٹی ٹوئنٹی ورلڈکپ: پاکستان کیخلاف بھارت کی بیٹنگ لائن 119 رنز پر ڈھیر

اسلام آباد (نیوزڈیسک) ٹی 20 ورلڈ کپ میں پاکستانی باولرز نے انتہائی عمدہ کھیل کا مظاہرہ کیا اور بھارتی ٹیم کو صرف119رنز پر قابو کرلیا ، بھارت کے آٹھ بلے باز ڈبل فگر میں ہی داخل نہ ہو سکے۔ بھارتی ٹیم 19اوورز میں 119رنز بنا کر آل آوٹ ہو گئی۔بھارت کی جانب سے پہلے ویرات کوہلی 4سکور بنا کر نسیم شاہ کی گیند پر پوائنٹ پر کیچ پکڑا کر آوٹ ہوئے ۔ اس سے اگلے اوور میں بھارتی کپتان روہت شرما 13سکور بنا کر شاہین آفریدی کی گیند پر سکوائر لیگ پر کیچ پکڑا کر آوٹ ہوئے۔اکشر پاٹیل 20سکور بنا کر نسیم شاہ کی گیند پر کلین بولڈ ہوئے۔

سوریا کمار یادیو7سکور بنا کر حارث روف کی گیند پر کیچ آوٹ ہوئے۔اس کے بعد شیوم دوبے کو نسیم شاہ نے اپنی ہی گیند پر کیچ آوٹ کیا۔محمد عامر نے مسلسل دو گیندوں پر دو وکٹیں لیں ، پہلے انہوں نے سیٹ بیٹر ریشبھ پنت کو آوٹ کیا جو سب سے زیادہ 42رنز بنا کر پچ پر موجود تھے ، اس کے اگلی ہی گیند پر رویندرا جدیجہ کو بھی آوٹ کیا۔اس کے بعد حارث روف نے مسلسل دو گیندوں پر دو وکٹیں حاصل کیں ، انہوں نے پہلے ہاردیک پانڈیا اور پھر جسپریت بمراہ کو آوٹ کیا ۔انیسویں اوور میں شاہین آفریدی کی گیند پر ارشدیپ سنگھ رن آوٹ ہوئے۔ پاکستان کی جانب سے حارث روف اور نسیم شاہ نے 3،3جبکہ محمد عامر نے دو وکٹیں حاصل کیں اور شاہین آفریدی ایک وکٹ لینے میں کامیاب ہوئے۔

اس طرح بھارت کی پوری ٹیم 119سکور بنا کر آوٹ ہو گئی۔اس سے قبل بابر اعظم نے ٹاس جیت کر پہلے فیلڈ نگ کا فیصلہ کیا ۔ اس موقع پر روی شاستری سے گفتگو کرتے ہوئے بابر اعظم نے کہا کہ بادل چھائے ہوئے ہیں اور پچ پر نمی ہے اس کی وجہ سے باولرز کو مدد ملے گی ۔ ان کا کہنا تھا کہ ماضی کا میچ ماضی کا حصہ ہو گیا آج کے میچ کے لیے تمام کھلاڑی پر ا عتماد ہیں ، اعظم خان کی جگہ عماد وسیم کھیلیں گے۔ بھارتی کپتان روہت شرما نے کہا کہ ہمیں پہلے کنڈیشنز کو جانچنا ہو گا ، ٹاس آپ کے ہاتھ میں نہیں ہے لیکن جو آٰپ کے ہاتھ میں ہے اس سے بھر پور فائد ہ اٹھانے کی کوشش کریں گے۔

The post ٹی ٹوئنٹی ورلڈکپ: پاکستان کیخلاف بھارت کی بیٹنگ لائن 119 رنز پر ڈھیر appeared first on Javed Chaudhry Columns.

from Javed Chaudhry Columns https://ift.tt/alI1NOk