پیپلز پارٹی سے مجھے کون نکال سکتا ہے؟ لطیف کھوسہ

اسلام آباد(این این آئی)پیپلز پارٹی کے رہنما لطیف کھوسہ نے کہاہے کہ پیپلز پارٹی میری جماعت ہے مجھے کون اسے سے نکال سکتا ہے۔پیپلز پارٹی کے رہنما لطیف کھوسہ نے نجی ٹی وی سے ٹیلی فونک گفتگو میں کہاکہ پیپلز پارٹی کے سی ای سی اجلاس میں شرکت کی دعوت موصول ہوئی ہے۔انہوںنے کہاکہ سپریم کورٹ میں مصروف ہونے کی وجہ سے اجلاس میں شرکت نہیں کروں گا۔

لطیف کھوسہ نے کہاکہ تاحال کوئی شوکاز موصول نہیں ہوا،نوٹس موصول ہونے پر جواب دینے یا نہ دینے کا فیصلہ کروں گا۔دوسری جانب پیپلز پارٹی کے جنرل سیکریٹری نیر بخاری نے نجی ٹی وی سے گفتگو میں بتایا کہ لطیف کھوسہ کو شوکاز جاری کیا گیا ہے۔انہوں نے کہا کہ لطیف کھوسہ کو جواب دینے کیلئے 7دن کا وقت دیا گیا ہے، جواب کے بعد بنیادی رکنیت معطل کرنے کا فیصلہ ہو گا۔

The post پیپلز پارٹی سے مجھے کون نکال سکتا ہے؟ لطیف کھوسہ appeared first on JavedCh.Com.

from JavedCh.Com https://ift.tt/k67tq1i