ہمیں اشتعال انگیز تقریر پر گرفتار کیا گیا میری بہن نے آج تک ایسی کوئی بات نہیں کی، علیمہ خان

لاہور (این این آئی) بانی پی ٹی آئی کی بہن علیمہ خان نے کہا کہ ہمیں اشتعال انگیز تقریر پر گرفتار کیا گیا میری بہن نے آج تک ایسی کوئی بات نہیں کی۔انسداد دہشت گردی عدالت کے باہر میڈیا سے گفتگو کرتے ہوئے بانی پی ٹی آئی عمران خان کی ہمشیرہ علیمہ خان نے کہا کہ ہمیں اشتعال انگیز تقریر پر گرفتار کیا گیا میری بہن نے آج تک ایسی کوئی بات نہیں کی، یہ لوگ ٹافیوں کی طرح ایف آئی آرز بانٹ رہے ہیں، ہمارا نظام بوسیدہ ہوچکا ہے، ان لوگوں نے مذاق بنا رکھا ہے۔

انہوں نے کہا کہ بانی پی ٹی آئی عمران خان اسی بوسیدہ نظام کو تبدیل کرنا چاہتے ہیں۔ انہوں نے کہا کہ بشری بی بی اور ہزاروں کارکنوں کے خلاف کوئی کیس نہیں ہے، جب کیس مرنے کے قریب پہنچ جاتا ہے تو اسے ڈیل قرار دے دیا جاتا ہے۔

The post ہمیں اشتعال انگیز تقریر پر گرفتار کیا گیا میری بہن نے آج تک ایسی کوئی بات نہیں کی، علیمہ خان appeared first on Javed Chaudhry Columns.

from Javed Chaudhry Columns https://ift.tt/BmMrg2A