سوات میں غیر ملکی سیاحوں کاداخلہ بند،وجہ بھی سامنے آگئی

سوات /پشاور(این این آئی)خیبر پختونخوا حکومت نے غیر ملکی سفارتکاروں پر ہونے والے حملے کے بعد سوات میں غیر ملکی سیاحوں کا داخلہ بند کر دیا ہے۔ نجی ٹی وی کے مطابق انگلینڈ سے تعلق رکھنے والے ایک جوڑے کو لنڈا کے چیک پوسٹ پر روکا گیا، دونوں میاں بیوی سوات میں سیر و تفریح کیلئے آ رہے تھے۔

خیال رہے کہ دو روز پہلے سوات میں غیرملکی سفارت کاروں کے قافلے کو سڑک کنارے دھماکہ خیز مواد نصب کرکے نشانہ بنانے کی کوشش کی گئی تھی۔قافلے سے سکیورٹی اسکواڈ میں شامل پولیس کی گاڑی اس دھماکہ خیز مواد کی زد میں آئی تھی جس کے نتیجے میں ایک پولیس اہلکار جاں بحق اور تین زخمی ہوئے تھے۔

The post سوات میں غیر ملکی سیاحوں کاداخلہ بند،وجہ بھی سامنے آگئی appeared first on Javed Chaudhry Columns.

from Javed Chaudhry Columns https://ift.tt/p7ciUz2