لندن(این این آئی) وزیراعظم شہباز شریف نے کہا کہ گزشتہ حکومت نے پاک-چین تعلقات تباہ ،راہداری منصوبہ بند کردیا تھا ،9مئی کا سانحہ ناقابل معافی گناہ ہے۔لندن میں پریس کانفرنس سے خطاب کرتے ہوئے وزیراعظم شہباز شریف نے فلسطین میں فوری جنگ بندی کا مطالبہ کرتے ہوئے کہا کہ غزہ میں انسانیت سوز مظالم ڈھائے جا رہے ہیں، بطور وزیراعظم دنیا تک پاکستان کی آواز پہنچائی ہے۔
انہوں نے کہا کہ ہم نے حکومت سنبھالی تو پاکستان ڈیفالٹ ہونے کے قریب تھا، آرمی چیف نے عالمی مالیاتی ادارہ معاہدے کیلئے خصوصی کاوشیں کیں۔ انہوں نے کہا کہ سانحہ 9مئی ناقابل معافی گناہ ہے، گزشتہ حکومت نے پاک-چین تعلقات تباہ کردیئے تھے ،سی پیک بالکل بند ہو چکا تھا۔انہوں نے کہا کہ مجھ اور میرے بیٹے پر کرپشن کے الزامات لگائے گئے لیکن مجھے اور میرے بیٹے کو برطانوی ادارے این سی اے نے کلین چٹ دی۔انہوں نے کہاکہ آزادی سے اب تک غریب عوام پر بوجھ ڈالا گیا، آئی ایم ایف پاکستان کے معاشی اقدامات پر مطمئن ہے۔ انہوں نے کہا کہ اقوام متحدہ میں مسلم امہ کی بھرپور نمائندگی کی۔
The post سانحہ 9مئی ناقابل معافی گناہ ہے، وزیراعظم appeared first on Javed Chaudhry Columns.
from Javed Chaudhry Columns https://ift.tt/HfiOJ6F
No comments:
Post a Comment