نئی دہلی (این این آئی) بھارت میں ایک ماں نے بدتمیزی کرنے پر بیٹے کا گلا گھونٹ دیا، پولیس نے گرفتار کر کے جیل منتقل کردیا۔ تفصیلات کے مطابق بھارتی شہر اگرتلہ کے جے نگر میں ایک خاتون نے اپنے 9سالہ بیٹے کو نافرمانی اور بدتمیزی کرنے پر گلا گھونٹ کر قتل کردیا۔واقعے کے بعد پولیس جب جائے وقوعہ پر پہنچی تو سپرابھا نامی خاتون اپنے بیٹے کی لاش کے پاس بیٹھی تھی۔
سپرابھا نے اعتراف جرم کرتے ہوئے پولیس کو بتایا کہ وہ تعمیراتی جگہ پر اجرت پر کام کرتی ہے اس کا شوہر لاپتہ ہے اور بیٹی کی شادی ہو چکی ہے، وہ بیٹے راجدیپ کی اکیلے پرورش کر رہی تھی مگر بیٹے کی بدتمیزی سے بہت پریشان رہنے لگی تھی۔خاتون نے کہا کہ راجدیپ نے اس کے پیسے چرائے اور پڑھائی بھی چھوڑ دی تھی اس کی حرکتوں کی وجہ سے اسے کوئی کام پر بھی نہیں رکھتا تھا۔خاتون نے کہا کہ میں نے بیٹے کو قتل کیا لہٰذا جیل جانے کیلئے تیار ہوں۔
The post بدتمیزی کرنے پر ماں نے اپنے بیٹے کا گلا گھونٹ دیا،اعتراف جرم، پولیس نے گرفتار کرلیا appeared first on Javed Chaudhry Columns.
from Javed Chaudhry Columns https://ift.tt/HQ2K7Vc
No comments:
Post a Comment