شادی کی پہلی رات شوہر نے دلہن کو فائرنگ کرکے قتل کردیا

مردان (این این آئی) مردان میں شوہر نے شادی کی پہلی رات نئی نویلی دلہن کو فائرنگ کرکے قتل کردیا۔ تفصیلات کے مطابق مردان کے علاقے چارسدہ روڈ پر واقع شیخ شہزاد ٹائون میں شہریار نامی شوہر نے شادی کی پہلی رات نئی نویلی دلہن کو فائرنگ کرکے قتل کردیا۔پولیس رپورٹ کے مطابق مقتولہ کے والد جمال شاہ نے پولیس کو رپورٹ درج کراتے ہوے بتایا کہ اس کے داماد شہریار نے نادیہ کو قتل کرنے کے بعد فون پر اطلاع دی کہ میں نے آپ کی بیٹی کو قتل کردیا ہے اور لاش کمرے میں پڑی ہے۔

والد نے بتایا کہ میں نے اسی وقت ریسکیو 1122 کو فون کرکے اپنے داماد کا پتہ بتایا اور واقعے سے آگاہ کیا، جس پر ریسکیو نے لاش کو پوسٹ مارٹم کیلے ڈسٹرکٹ ہیڈ کواٹر اسپتال منتقل کردیا۔پولیس حکام کے مطابق مقتولہ نادیہ کے والد کی مدعیت میں ملزم شہر یار کے خلاف مقدمہ درج کرکے تفتیش شروع کردی ہے، تاہم ملزم فرار ہے۔

The post شادی کی پہلی رات شوہر نے دلہن کو فائرنگ کرکے قتل کردیا appeared first on JavedCh.Com.

from JavedCh.Com https://ift.tt/YfprXQn