چینی کی قیمت میں اضافہ

لاہور (این این آئی)لاہور میں چینی کی قیمت 3 روپے اضافے سے 160 روپے فی کلو ہوگئی ہے جبکہ کین کمشنر پنجاب نے کہا کہ چینی کی سمگلنگ نہ روکی گئی تو بحرانی کیفیت کا سامنا کرنا پڑسکتا ہے۔تفصیلات کے مطابق لاہور میں چینی کی پرچون قیمت میں 3 روپے اضافہ کردیا گیا ہے جس کے بعد نئی قیمت 160 روپے فی کلو ہوگئی ہے۔مارکیٹ ڈیلرز نے کہا ہے کہ ہول سیل مارکیٹ میں 50 کلو کی بوری 7600 کی ہو گئی ہے جبکہ پرچون فروشوں نے کہا ہے کہ چینی کی 50 کلو کی بوری 8000 روپے میں پڑتی ہے ،گزشتہ چند روز میں چینی کی قیمت 5 روپے کلو بڑھی ہے۔

مارکیٹ ذرائع کے مطابق کین کمشنر پنجاب نے شوگر ملوں سے اسٹاکس کا ریکارڈ مانگ لیا ہے جس پر ذخیرہ اندوز سرگرم ہو گئے ہیں جس کے بعد چینی کی قیمت میں مزید اضافہ ہو سکتا ہے۔دوسری جانب کین کمشنر پنجاب عبدالرؤف نے راجن پور، ڈی جی خان، میانوالی، رحیم یارخان کے ڈپٹی کمشنرز کو مراسلے جاری کردیئے ہیں جس میں کہا گیا ہے کہ چینی کی سمگلنگ نہ روکی گئی تو بحرانی کیفیت کاسامناکرنا پڑسکتا ہے۔کین کمشنر نے واضح کیا کہ چینی سمگلنگ کے باعث سٹاک ختم ہو رہے ہیں، چینی کے موجودہ سٹاکس کی سخت مانیٹرنگ کی جائے اور سمگلنگ کرنے والوں کے خلاف سخت قانونی کارروائی کی جائے۔

The post چینی کی قیمت میں اضافہ appeared first on JavedCh.Com.

from JavedCh.Com https://ift.tt/dv8U1lx