یونائیٹڈ نے اپنی موٹر سائیکلوں کی قیمتوں میں بھاری اضافہ کر دیا

لاہور ( این این آئی) یونائیٹڈ موٹر سائیکل پاکستان نے 2024ء کے آغاز میں سب سے پہلے اپنی موٹر سائیکلوں کی قیمتوں میں اضافے کا اعلان کر دیا ۔تفصیلات کے مطابق یونائیٹڈ نے نئے سال کے آغاز کے ساتھ ہی اپنی موٹرسائیکلوں کی قیمتوں میں تقریباً 18 ہزار روپے تک کا اضافہ کر دیاہے جس کااطلاق 9جنوری سے کر دیا گیاہے ۔یونائیٹڈ کی یو ایس 70(الائے رم) کی قیمت میں پانچ ہزار روپے اضافہ کیا گیا ہے جس کے بعد نئی قیمت ایک لاکھ 14ہزار 500روپے ہو گئی ہے جبکہ یونائیٹڈ یو ایس 70(سٹینڈرڈ) کی قیمت میں اضافہ نہیں کیا گیا ۔

یونائیٹڈ 10(سٹینڈرڈ)کی قیمت میں 10 ہزار روپے اضافہ کیا گیاہے جس کے بعد نئی قیمت ایک لاکھ 17ہزار روپے مقرر کر دی گئی ہے جبکہ پرانی قیمت ایک لاکھ 7 ہزار روپے تھی ۔یونائیٹڈ 100(سٹینڈرڈ سپیشل )کی قیمت بھی 10 ہزار روپے بڑھائی گئی ہے جس کے بعد موٹر سائیکل کی قیمت ایک لاکھ 18ہزار روپے ہو گئی ہے ۔یونائیٹڈ 100(سٹینڈرڈ الائے رمز) کی قیمت میں 18ہزار روپے اضافہ کیا گیاہے اور نئی قیمت ایک لاکھ 27 ہزار 500 روپے ہو گی ۔یہاں یہ امر قابل ذکر ہے کہ یونائیٹڈ نے اپنی سکوٹی اور یونائیٹڈ یو ایس 125 کی قیمت میں کوئی ردو بدل نہیں کیا ہے ۔ کمپنی کی جانب سے قیمتوں میں اضافے کی کوئی وجوہات بیان نہیں کی گئیں ہیں ۔

The post یونائیٹڈ نے اپنی موٹر سائیکلوں کی قیمتوں میں بھاری اضافہ کر دیا appeared first on JavedCh.Com.

from JavedCh.Com https://ift.tt/ac15hS9