کراچی(این این آئی)شہر قائد میں شہریوں کے ساتھ سوشل میڈیا سے جڑے افراد بھی ڈکیتوں کے نشانے پر آگئے، فائیو اسٹار چورنگی پر خاتون یوٹیوبر کو زندگی بھر کی جمع پونجی سے محروم کردیا گیا۔ متاثرہ افراد کو قانونی کارروائی کے لئے بھی مشکلات کا سامنا کرنا پڑرہا ہے۔شہر قائد ڈکیتوں کی آماجگاہ بنتا جارہا ہے، حیدری تھانے کی حدود فائیو اسٹار چورنگی پر انوکھی واردات ہوئی جہاں تنہا ڈاکو یوٹیوبر ماہم زہرہ اور ان کے شوہر سے کیمرے ، موبائل فونز اور قیمتی سامان لے اڑا۔ماہم زہرہ نے بتایاکہ انہوں نے کئی سال سے سوشل میڈیا کے لیے اسٹوریز کرنے کے لئے قیمتی سامان خریدا جو تنہا ڈاکو کچھ ہی سیکنڈز میں لے اڑا۔ماہم زہرہ، پولیس کے رویے سے بھی کافی پریشان نظر آئیں۔
کہاکہ پولیس کئی دنوں تک ٹال مٹول سے کام لیتی رہی اور مقدمہ درج کرنے کے لئے دھکے کھانے پر مجبور رہے جبکہ وعدوں کے باوجود کسی نے تاحال مدد فراہم نہیں کی۔واقعہ میں ملوث فرار ہونے والے ملزم کی سی سی ٹی وی فوٹیج بھی منظر عام پر آگئی ہے۔ جس میں تنہا ملزم کو متاثرہ خاتون کا بیگ پہنے دیکھا جاسکتا ہے۔ویڈیو میں دیکھا جاسکتا ہے کہ واردات کے بعد ملزم کی موٹرسائیکل کی ٹنکی پر رکھی پستول گرجاتی ہے۔ ملزم واپس آکر پستول اٹھاتا ہے اور فرار ہوجاتا ہے۔واقعہ کا مقدمہ حیدری تھانے میں درج کرلیا گیا۔ چھ روز گزرنے کے باوجود واقعہ میں ملوث ملزم کو گرفتار نہیں کیا جاسکا۔
The post خاتون یوٹیوبر زندگی بھر کی جمع پونجی سے محروم appeared first on JavedCh.Com.
from JavedCh.Com https://ift.tt/rDRO3uE
No comments:
Post a Comment