گاڑیوں کی رجسٹریشن و ٹرانسفر سے متعلق اہم خبر

لاہور (مانیٹرنگ ڈیسک)شہریوں کی گاڑیوں کی جعلی ٹرانسفر روکنے کے لئے اہم اقدام،گاڑی مالکان کوکسی بھی ٹرانزیکشن یا ٹرانسفر پر ایس ایم ایس موصول ہوگا اور ایکسائز ملازمین کوپاسورڈکے غلط استعمال کو روکنے کےلئے ڈبل سیکیورٹی سسٹم کا آغاز کیا جارہا ہےتاکہ مجاز اتھارٹی کے بغیر کوئی استعمال نہ کرسکے۔

سٹی 24 نیوز میں علی ساہی کی خبر کے مطابق لاہورسمیت پنجاب بھر میں گاڑی ٹرانسفر یا رجسٹرڈ،ٹوکن ٹیکس کی ادائیگی کی صورت میں شہری کے موبائل پر ایس ایم ایس آئےگا۔ایکسائز حکام کا کہنا ہے کہ ٹوکن ٹیکس یا سمیت دیگر کوئی بھی ٹرانزیکشن پر مالک کو ایس ایم ایس کے ذریعے آگاہ کیا جائےگا۔جعلی ٹرانسفر یا انجان ٹرانزیکشن پر مالک فوری ایکسائزرابطہ کرسکے گا۔جعلی ٹرانسفر روکنے کےلئے ایکسائز حکام کےسسٹم کا پاسورڈغلط استعمال نہیں ہوسکےگا۔پاسورڈ الاٹی کو سسٹم کے آغاز کےلئے او ٹی پی نمبرموبائل نمبر موصول ہوگا۔او ٹی پی کے اندراج کے بغیرسسٹم پر پاسورڈ استعمال نہیں ہوسکے گا۔ہر سال ہزاروں گاڑیاں مالکان کے بغیر ہی ٹرانسفر ہو جاتی ہیں۔بائیو میٹرک سسٹم کے آغاز کے بعد جعلی ٹرانسفر میں کمی ہوئی ہے۔ایس ایم ایس سروس اور پاسورڈ پر ڈبل سیکیورٹی سےجعلی ٹرانسفر بالکل رک جائے گی۔پندرہ روز کے اندر میں پنجاب بھر میں سسٹم شروع کر دیا جائے گا۔

The post گاڑیوں کی رجسٹریشن و ٹرانسفر سے متعلق اہم خبر appeared first on JavedCh.Com.

from JavedCh.Com https://ift.tt/yZDB1Tk